Արև(Արևիկ) Պետրոսյան
Արև Պետրոսյանը ծնվել արվեստագետների ընտանիքում: (Երևան, Հայաստան):
Իր ինքնատիպ, վառ, գունեղ, յուրօրինակ և հզոր արվեստով նա իր ուրույն տեղն է գրավել արվեստի աշխարհում: Արևը մասնակցել է բազմաթիվ միջազգային և համաշխարհային բիենալների և ցուցահանդեսների, այդ թվում` Bejing International Art Biennale, Art Monaco, Dubai Air Fair : Նա մասնակցել է մի շարք ցուցադրությունների ` Բեյրութում, Մոսկվայում, Փարիզում, Տոկիոյում և ԱՄՆ-ի բազում այլ քաղաքներում :
2015թ. Հայաստանի Հանրապետության նախագահի կողմից Արև Պետրոսյանը ստանում է վաստակավոր նկարչի կոչում:
2013թ. “Միասնության ուժը” ապակեպատկեր հեղինակային ստեղծագործությունը /22ք.մ/ տեղադրվեց Եվրոպական Խորհրդի լիագումար նիստերի դահլիճում ` Ստրասբուրգում, որը պաշտոնական արարողության ժամանակ հանձնվեց նախագահ Սերժ Սարգսյանի կողմից` որպես ՀՀ նախագահության նվեր ԵԽ-ին:
Նույն տարում Արև Պետրոսյանի “Մայր Հայաստան” ստեղծագործությունն ընդգրկվում է “WOMEN IN ART” համաշխարհային հանրագիտարանում, որտեղ զետեղված են միջնադարից մինչև ժամանակակից արվեստը ներկայացնող մեծագույն արվեստագետներ:
2014թ. Ֆրեզնոյի Սուրբ Երրորդություն եկեղեցում 100-ամյա տարելիցի կապակցությամբ նկարչուհին նվիրաբերեց “Դարի Ներշնչանքը” մեծածավալ աշխատանքը /12մx2.5մ/
Արև Պետրոսյանը մասնակցել է բազմաթիվ բարեգործական ցուցահանդեսների եվ միջոցառումների` անապահով ընտանիքներին, երեխաներին և տարեցներին օգնություն ցուցաբերելու նպատակով:
