Արձանիկ «Լեդի ձմեռ»

«S.V. Porcelains»-ի պատմությունը սկսվում է 1975 թ.-ին, երբ «նկարիչ Վիտորիո» մականունով մի տղա ստեղծում է իր առաջին քանդակը: Վիտորիո Սաբադինը ծնվել է 1952 թ.-ին Վենետիկից 50 կիլոմետր հեռու՝ Իտալիայի հյուսիսում գտնվող Բասսանո դել Գրապպա գյուղի հայրական իր տանը։ Ոգեշնչվելով իտալացի դասական վարպետների ստեղծագործություններով՝ Սաբադինն իր կյանքի ընթացքում ուսումնասիրել և զարգացրել է իր խորը ստեղծագործական ձգտումները՝ արտահայտելով քանդակների և նկարների միջոցով։ Երևակայությունից դեպի իրականություն ճանապարհորդությունը նկարչին բերում է մի հանգրվանի, երբ նա որոշում է հիմնել «Vittorio Sabadin’s Porcelains» ընկերությունը։ Այն այսօր ունի ավելի քան 20 աշխատակից և արտահանում է ձեռագործ արձանիկներ ամբողջ աշխարհում:
Ընկերության արձանիկները պատրաստվում են Կապոդիմոնտեի օրիգինալ ճենապակուց, բոլոր իրերը ձեռագործ են եւ ներկված են ձեռքով՝ հատուկ մասնագետների կողմից։ Այս գործընթացում յուրաքանչյուր փուլ վերահսկվում է անձամբ Սաբադին Վիտորիոյի կողմից: Ոչ մի կրկնօրինակ չի կարող վերստեղծել ընկերության ստեղծած արձանների գեղեցկությունը։ Ընկերությունը կիրառում է ոճերի բազմություն, գեղանկարչության տարատեսակ տեխնիկաներ։ Ընդ որում՝ օգտագործվող գունանյութերը չունեն վնասակար հավելումներ և հրակայուն են մինչև 800°-ը, ինչը ներկանյութը դարձնում է գերդիմացկուն։ Ընկերության կողմից կիրառվող ոսկին, որը փայլուն և կատարյալ տեսք ունի, հիմնականում 24 կարատանոց է և ունի համապատասխան հավաստագիր։ Այսպիսի ձևավորում ունեցող իրերի վրա ընկերությունն օգտագործում է օրիգինալ «Սվարովսկի» բյուրեղապակի և «Մուրանո» ապակու շերտեր։